Sunday, December 19, 2010

Ay Wada Shikan Khwaab

Ay Wada Shikan Khwaab Dikhana Hi Nahi Tha
Kyun Pyaar Kiya Tha Jo Nibhana Hi Nahi Tha.

Iss Tarha Mere Haath Se Daaman Na Chhudao
Dil Tod ke Jaana Tha To Aana Hi Nahi Tha.

Allah! Na Milne Ke Bahane Thay Hazaron
Milne Ke Liye Koi Bahana Hi Nahi Tha.

Dekho Mere Sar Phod Ke Marne Ki Adaa Bhi
Warna Mujhe Deewana Banana Hi Nahi Tha.

Rone Ke Liye Sirf Muhabbat Hi Nahi Thi
Gham Aur Bhi Thay Dil Ka Fasana Hi Nahi Tha.

Na Hum Sahi Kehte Naa Bani Dil Ki Kahani
Ya Gosh Bar'aawaz Zamana Hi Nahi Tha.

Qaisar Koi Aaya Tha Meri Bakhya'gari Ko
Dekha Toh Garebaa Ka Thikana Hi Nahi Tha.

1 comment: